Mabaskog nga ginpakalamaut sang grupo nga Panay Alliance Karapatan ang pila ka mga polisiya sang Duterte Administration.
Ginpahayag ni Reylan Vergara, Secretary-general sang Panay Alliance Karapatan nga ginapalab-ot nila kay Pangulong Rodrigo Duterte ang mga isyu nga ila ginapamatukan sa ginhiwat nila nga Hublag protsta kahapon kadungan sang ika-45 nga anibersaryo sang Martial Law.
Suno kay Vergara nga isa sa polisiya nga ila ginapamatukan amo ang malapnagon nga Extra Judicial Killing ukon EJK nga resulta sang giyera kontra druga sang Presidente.
Ginapakamalaut man nila ang ginahimo sang Presidente nga pagpakahuya sa mga persona nga masami sini ginalawag nga drug protector apang wala man sang mabakod nga ebedensya kag wala man napasakaan sang kaso.
Ginhatagan pagtamod ni Vergara nga nagapasibangud lamang si Duterte sang kaangtanan sang iban nga tawo sa illegal nga druga apang bulag naman ini sa ginatawag Davao group nga amo ang responsable sa drug smuggling sa pungsod.
Ginapanawagan sang grupo nga untatan na ang Extra judicial Killing kag ila man ginapamatukan ang plano nga pagdeklarar sang Presidente sang Martial law sa bug-os nga pungsod. (sspunay)
