Roxas City, Capiz- Pila ka mga uniformed personnel sang Roxas City BJMP kag Roxas City PNP ang ginkilala bangud sa maayo nga performance kadungan sang ginpatigayon nga flag raising ceremony sa atubang sang Roxas City Hall kahapon nga adlaw sang Lunes.
Si SJO1 Ernie A. Olendo sang Roxas City BJMP ang ginpasidunggan bilang isa sa mga top performing unit welfare development non-officer rank samtang si JO1 Jenifer Estrellanes ang ginkilala naman bilang isa sa top performing unit operations jail non-officer rank para sa second quarter sang 2019.
Ang Roxas City Jail amo ang Most Improved Jail Unit sa Region IV samtang si SInsp. Egbert Ilarde Nagrampa ang ginkilala nga Best City Jail Warden sang Year 2019. Sa pihak nga bahin, ginrekognisar man sang city government si PLt. Col Ricardo Jomuad, Jr. sang Roxas City PNP angut sa madinalag-on nga implementasyon sang Peace and Order sa syudad pinaagi sa pagpatuman sang pila ka mga programa sang PNP.
photo(c)- RCCG
