Suportado sang pila ka mga senador ang suhestiyon nga ipaidalum sa mandatory drug testing ang mga elected official sa gobyerno.
Suno kay Senator Sherwin Gatchalian, dapat magserbe nga ehemplo ang ini nga tikang sang mga government officials para sa mga Pilipino.
Dugang pa ni Gatchalian, karon nga mabaskog ang kampanya sang gobyerno batuk sa iligal nga droga, dapat magpanguna ang mga nagapungko sa gobyerno halin kay Pangulong Rodrigo Duterte asta sa mga barangay kagawad.
Sugot man diri si Senator Joel Villanueva.
Sa isa ka interview, ginsiling ni Villanueva nga “public office is a public trust.
Suno naman kay Senator Chiz Escudero, suportado sini ang suhestyon ni Surigao del Norte Rep. Robert Barbers nga dapat magpaidalum ang tanan nga elected officials sa drug testing.
Dugang pa sa suhestyon ni Barbers nga kun mapamatud-an nga positibo ang isa ka elected official nga nagagamit sang iligal nga droga, dapat gid ini nga mapahalin sa pwesto. /rcsg
