Pilar Mayor Arnold Perez, ginpasalig nga wala makaguha sa quarantine facility ang tatlo ka magpamilya nga nagpositibo sa COVID-19!

35

Pilar, Capiz – Ginpahayag ni Mayor Arnold Perez sang banwa sang Pilar nga wala sang kabalak-an ang mga pomuluyo angut sa posible pagluntad sang local transmission matapos nga magpositibo sa COVID-19 ang tatlo ka magpamilya sa amo nga banwa.
Ginklaro ni Mayor Perez nga ang lola kag iloy nga may pito ka bulan nga lapsag ang lunsay mga locally stranded individuals(LSIs) nga nagikan sa Montalban, Rizal.
Ang mga ini ang nagapang-edaron sang 56 anyos, 31 anyos kag 7 ka bulan nga lapsag.
Nag-abot ang mga ini probinsya sang Capiz sang Hulyo 30, 2020 kag insigida nga gin-pahamtang sa Temporary Treatment and Monitoring Facility(TTMF) sa banwa sang Pilar.
Pag-abot sa Roxas City, insigida sila nga ginpaidalum sa rapid test (RDT) kung sa diin ang 7 ka bulan nga bata ang nagpositibo (IgG positive).
Gilayon nga ginseparar ang bata kaupod ang iya iloy kag lola kag sila ang direkta nga gindul-ong sang CERT transport vehicle sa aton Municipal Temporary Treatment & Monitoring Facility (TTMF) sadto man nga adlaw July 30, 2020 para didto sila i-quarantine kag ipa-idalum sa swab test (RT/PCR).
Ginkuhaan sila sang specimen para sa RT- PCR testing sang Agosto 5, 2020.
Ginpasiguro sang alkalde nga wala makaguha ang amo nga mga persona tubtob nga nag-abot ang resulta sang RT-PCR test.
Bangud sini, ginpasalig ni Perez nga wala sang dapat nga kabalak-an ang mga taga-banwa sang Pilar.

(c)- Pilar BFP


Facebook Comments