DUMALAG, CAPIZ – Daan nga indi paghangpanay kag pagdumot ang ginapahayag rason sang paglabo sang suspek nga si Melchor Fenequito, 34-anyos gamit ang kutsilyo sa isa ka persona sa Sitio Agbay-ang Brgy. San Rafael, Dumalag, Capiz.
Ginkilala ang biktima kay Jose Marillado, 40-anyos ang pang-edaron kun sa diin ini ang nag-angkon sang pilas sa ulo nga porsyon.
Nahibaloan nga base sa inisyal nga imbestigasyon sang Dumalag PNP, magkaupod nga naga-inom ang suspek kag biktima sa poluy-an sang ila amo sang nagluntad ang pagsabtanay sa diin hinali nga ginbaot sang suspek ang iya hinganiban kag ginlabo ang biktima nga naigo naman sa iya ulo.
Sa subong yara na nakahunong sa presohan sang Dumalag PNP ang nasambitan nga suspek.
photo © MDRRMO Dumalag
Facebook Comments
