Tapaz, Capiz- Padayon nga ginabulong sa subong sa Western Visayas Medical Center sa syudad sang Iloilo ang gumangkon matapos ginbuno sang mismo tiyo sini alas 8:30 sang gab-e sa Sitio Bario-Bariohan, Brgy. San Miguel Ilaya, Tapaz, Capiz.
Ginkilala ang biktima kay Vincent Caro y Grate, 23-anyos ang pang-edaron nga nag-angkon sang pilas sa natuo nga porsyon sang likod sini.
Nadakpan naman sa follow-up operation sang mga kapulisan, natigayon nga madakpan ang suspek nga ginkilala kay Marlon Lavarro y Caro, 46-anyos ang pang-edaron kag residente man sang nasambitan nga lugar.
Suno sa imbestigasyon sang mga kapulisan, nagaguha nga ginkaakig sang suspek sang nasaksihan sini ang pagkastigo sang biktima sa manghod sini nga si Salvador Caro kabangdanan nga ini ang ginbuno sang suspek.
Narekober naman sang mga otoridad kay Marlon Lavarro ang 11.5 pulgada nga kalabaon sang stainless nga kutsilyo nga gingamit sini sa krimen.
(c)- web photo
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
