Dao, Capiz – Pilason ang isa ka persona matapos nabun-an sang kaupod mismo sa pagsaot sa guha sang kapilya sa Sitio Pediroad Brgy Balucuan Dao Capiz sa bisperas sang pista alas 11 sang gab-e.
Ginkilala ang biktima kay Edmar Escalada y Estonina, 22-anyos ang pang-edaron sang nasambitan nga lugar sa diin nag-angkon sang pilas sa iya dughan.
Samtang madasig naman nga nagpalagyo ang suspek nga si alyas Dodoy Garcia, 23-anyos sang Patnongon, Antique.
Base sa imbestigasyon sang kapulisan, hubog ang duha samtang nagasaot sang nagtapungolay ang mga ini nga ginsundan sang paggabot sang suspek sang kutsilyo kag gilayon nga ginbuno ang biktima.
Sa subong yara padayon nga ginabulong sa Roxas Memorial Provincial Hospital ang biktima nga nag-angkon sang pilas sa iya dughan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
