SIGMA, CAPIZ – Pilason ang isa ka persona matapos ginlabo sang makatatlo ka beses gamit ang espading alas 3:20 sang hapon sa Barangay Mianay, Sigma, Capiz sang kaupod sini sa trabaho sa kampo sang tubo.
Ginkilala ang biktima kay Allen Temporasa y Andrade, 25-anyos sang Barangay Tibiaowan, Makato, Aklan nga nag-angkon sang kapilasan sa iya lawas.
Base sa imbestigasyon sang mga kapulisan, magkaupod ang biktima kag suspek nga si Aldren Torrefiel y Ortez, 22-anyos sang Makato, Aklan nga naga-inom upod ang kapareho nga trabahador sang nagluntad ang pagsabtanay sa tunga sang mga ini kabangdanan sang paglabo sang suspek sa biktima gamit ang espading.
Una nga gindangat sa Mambusao District Hospital ang biktima apang ginpakamaayo nga gin-refer ini sa Kalibo District Hospital para sa dugang nga pagbulong.
Samtang boluntaryo naman nga nagsurrender sa mga kapulisan sang Makato PNP ang suspek kag ini naman ang ginturn-over sa Sigma PNP.
