MANILA – Nilinaw ng Department of Foreign Affairs na walang balak ang Pilipinas na putulin ang relasyon nito sa anumang bansa.Ayon kay Foreign Affairs Sec. Perfecto Yasay Jr., ang deklarasyon ng pangulong duterte sa pagbubukas ng bansa sa Russia at China ay hindi nangangahulugang isasara na nito ang pintuan sa Amerika at European Union.Ito’y pagbibigay lamang anya ng oportunidad sa lahat ng bansa na nagnanais maglagak ng negosyo sa Pilipinas.Sinabi pa ng kalihim na ang pahayag ng pangulo ay hindi personal na pag-atake sa US at EU kundi pagpapahayag lamang ng pagkadismaya sa pangingialam nito sa isyu ng human rights at extrajudicial killings sa bansa.
Facebook Comments
