Nakipagpulong ang Philippine Embassy sa The Netherlands at ang kinatawan ng Department of Public Works and Highways, sa ilang Dutch officials doon para magpatulong sa mga proyekto ng Pilipinas.
Partikular sa kolaborasyon sa infrastructure, water management at sustainable development sa Pilipinas.
Ito ay lalo na’t kilala ang The Netherlands sa expertise nito sa water management o ang paglalagay ng pipeline.
Kabilang sa iprinisinta nina Philippine Ambassador Eduardo Malaya at Public Works Senior Undersecretary Emil Sadain ang excavation at dredging sa low-lying areas sa Pampanga at Cagayan de Oro.
Bukod pa rito ang land reclamation at development para sa New Manila International Airport sa Bulacan gayundin ang development ng Manila Bay Cleanup Masterplan at Flood Protection Strategy sa Manila Bay.
Sa ngayon, 130 Dutch companies ang namumuhunan sa Pilipinas.
