Pilipinas makabaton sang dugang nga eroplano halin sa Estados Unidos

245

Makabaton sang dugang nga eroplano ang Pilipinas halin sa Estados Unidos .

Ginalauman nga ihatag sang US ang apat ka OV-10 Bronco light attack aircraft sa Pilipinas subong nga tuig ukon sa una nga quarter sang 2019.

Suno kay Defense Secretary Delfin Lorenzana, batunon sang libre sang Armed Forces of the Philippines ukon AFP ang mga OV-10 Bronco bilang kabahin sang Air Force modernization.

Dugang pa niya nga shipment lang ang pagabayaran sang Pilipinas para sa nasambit nga mga eroplano nga gingamit pa sadtong Vietnam war.

Apisar masobra 50 ka tuig na, gingamit man ang mga OV-10 sa giyera sa tunga sang mga tropa sang gobyerno kag Maute-ISIS sa Marawi City sang nagligad nga tuig.

(photo from web)

Facebook Comments