Nakakaranas na ng shortage ng bawang at sibuyas ang bansa.
Sa pagdinig ng Senado, sinabi ni Department of Agriculture (DA) Secretary William Dar na hindi na gaano nakakapag-produce ang local farmers ng bawang at sibuyas bunsod ng COVID-19 pandemic.
Aniya, nasa walong porsyento lamang ang napo-produce na bawang mula sa kabuoang konsumo habang nasa 85% naman sa sibuyas.
Dagdag pa ni Dar, target nilang maabot ang 10 hanggang 15% increase sa kanilang production ng sibuyas para mapunan ang shortage.
Sa bawang naman, aminado ang DA na magiging mahirap na i-angat ang produksyon nito.
Hinihimok ng ahensya ang publiko na magtanim ng gulay sa mga bakuran o backyard gardening para mapabuti ang food security sa mga bahay.
Tiniyak naman ng DA na sapat pa rin ang supply ng pagkain sa bansa sa kabila ng nararanasang pandemya.
