Pilipinas ug Indonesia magtinabangay kontra illegal activities ug maritime rescue operations

Davao City- Mainitong gidawat sa Coast District Guard Southeastern Mindanao ang pag-abot sa BAKAMLA Indonesian Coast Guard delegates ug ang ilahang 48 meters patrol ship nga KN Gajah Laut kun Elephant Sea 404 dinhi sa dakbayan sa Davao.

Sumala ni Commodore Rejard Marfe, CGDSEM Commander, katambayayong nila ang Indonesian Coast Guard sa pagprotekta sa kadagatan.

Ipadayon sa PCG ug Indonesian Coast Guard ang koordinasyon aron masegurong maimplementar og sakto ang balaod batok sa mga illegal nga aktibidad.

Sagad sa mga problemang maengkwentro ang illegal fishing ug mga pagsulay og pagpalusot og mga kontrabando nga maoy hugot nga ginabantayan sa boundaries sa Pilipinas ug Indonesia.

Gipaneguro sa PCG ug BAKAMLA nga magtinabangay kung adunay mga maritime incidents ug andam silang muresponde sa search and rescue operations isip mag-igsuong nasud gamit ang ilahang mga kahinaman ug mga floating assets.

Sumala sa Indonesian Coast Guard wala silay namonitor nga threat ug in close coordination sila sa PCG.

RadyoMaN Aimee Guinita