Davao City – Kasagaran sa mga yanong tawo dakung uyon sa posibilidad nga deklarasyon sa usaka revolutionary government ubos kang Pres. Rodrigo Duterte apan hugot kining gisupak sa usaka iladong political leader nga taga-Mindanao.
Sa interbyu sa morning primetime radio social commentary show nga ‘Straight to the Point,’ gibarugan ni kanhi Senate President Aquilino ‘Nene’ Pimentel, Jr. nga walay igong kapasikaran ang gihunahuna sa uban nga sistemang rebolusyonaryong panggobyerno aron rendahan ang bangi-pulitikal sa nasud karon.
Matud ni Pimentel kinsa main proponent usab sa sistemang federalism sa nasud nagsulti nga walay igong basihan ang maong ideya sanglit ang gobyerno nag-function man gihapon karon nga normal.
Hinoon, siya si Pimentel nagpasidaan nga samtang katungod nato nga mopadayag ubos sa atong constitutional guarantee nga ‘freedom of expression’ o ‘right to dissent,’ dakung responsibilidad usab sa mga kritiko nga i-angkla ang tanan diha sa kamatuoran ug dili sa bias ug propaganda lamang.
Mientras tanto, dakung pahat sa mga tigpaminaw sa STP ni-uyon sa revolutionary setup aron ipatunhay ang atong katilingban gumikan sa pagsalig sa katawhan sa moral nga pangatungdanan ni Duterte bisan pa man kun ubos sa usaka authoritarian regime.
RadyoMan June Duterte
