Manila, Philippine – Pinag-aaralan ng National Capital Region Police Office (NCRPO) ang posibleng kasong pwedeng isampa laban sa blogger na si Andrew Olivar.
Ito’y matapos mag-bomb joke si Oliver sa kanyang facebook post kaugnay ng ika-46 na taong anibersaryo ng deklarasyon ng martial law.
Ayon kay NCRPO Director, C/Supt. Guillermo Eleazar – inaalam nila kung nalabag ni Olivar ang Presidential Decree 1727 na may kaugnayan sa Republic Act No. 10195 o Cybercrime Prevention Act of 2012.
Sinumang mapatunayang lumabag sa nasabing batas ay makukulong ng mahigit limang taon at magbabayad ng multang aabot sa ₱40,000.
Una nang humingi ng sorry si Olivar at sinabing wala siyang intensyon na takutin ang publiko.
Facebook Comments
