Zamboanga Sibugay – Patay ang dalawang lalaki matapos pagbabarilin sa Purok Malipayon sa Barangay Buluan, Ipil sa Zamboanga Sibugay.
Kinilala ang mga biktima na sina Rolando Siptimo, 49-anyos, barangay tanod at si Jojo Languita na parehong residente ng nasabing barangay.
Ayon sa Ipil Municipal Police Station, katatapos lang noon na magka-ayos ang mga biktima at suspek na nagkaroon alitan sa loob ng isang disco.
Pero isa sa mga sangkot sa away ang bumunot ng baril at pinaputukan ang mga biktima sa iba’t-ibang bahagi ng katawan.
Agad namang tumakas ang suspek na hindi pa nakikilala bago pa dumating ang mga pulis.
Sa ngayon patuloy pa rin ang pagsasagawa ng pursuit operation para maaresto ang suspek.
Facebook Comments
