Butuan City – Pinaghahanap na ng pulisya ang mga suspek sa pamamaril sa isang pamilya ng mga negosyante sa Barangay Luna, Butuan.
Sa ulat, galing sa paglalaro ng basketball sa loob ng isang unibersidad ang mga biktima na sina Engr. Paul Pontius Gogo, asawang si Abegail Yap Gogo at ang 20-anyos na anak nilang lalaki.
Habang nasa kanilang sasakyan, bigla na lamang dumating ang mga suspek na sakay ng isang motor at pinagbabaril ang mga biktima.
Nagtamo ng mga tama sa iba’t-ibang bahagi ng kanilang katawan ang mag-asawa na kaagad namang dinala sa ospital kung saan namatay ang ginang habang kritikal naman ang kanyang mister.
Masuwerte namang hindi natamaan ng mga bala ang anak nitong lalaki na nasa likurang bahagi ng sasakyan.
Facebook Comments
