Nagsagawa ng pinaigting na checkpoint operation ang Mangatarem Municipal Police Station, kahapon, February 23, 2026, kaugnay ng paggunita sa EDSA People Power Revolution, bilang bahagi ng mas mataas na antas ng seguridad sa kanilang nasasakupan.
Isinagawa ang masinsinang checkpoint operations sa iba’t ibang bahagi ng Area of Responsibility (AOR) upang tiyakin ang kaligtasan ng publiko at mapigilan ang anumang banta sa kapayapaan at kaayusan.
Layunin ng operasyon na hadlangan ang posibleng kriminalidad, masiguro ang maayos na daloy ng trapiko, at mapanatili ang seguridad ng komunidad sa panahon ng mahalagang pambansang pagdiriwang.
Maayos na ininspeksyon ang mga sasakyan habang ang mga motorista ay pinayuhan na sumunod sa umiiral na batas-trapiko at iba pang regulasyon.
Ayon sa pulisya, isinagawa ang checkpoint sa sistematiko at organisadong paraan upang maiwasan ang abala sa mga biyahero at mapanatili ang tiwala ng publiko. Ipinakita rin nito ang kahandaan ng kapulisan sa pagbibigay-proteksyon sa mamamayan lalo na sa mga okasyong may pambansang kahalagahan.
Patuloy namang nananawagan ang Mangatarem PNP sa kooperasyon ng publiko upang mapanatili ang kapayapaan at seguridad sa bayan. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
