Gi-turnover sa Department of Agriculture Region 10 (DA-10) ang Automatic vehicle disinfection system nga gipanguluhan ni Regional Executive Director DA-10 Carlene C. Collado, CPA. Kauban sa pag-turnover silang OIC Chief Field Operation Division Audie Maagad, DA Provincial Operation Center Dr. Janet lopez, Focal Person Livestock Division Maria Lourdes Sypiecco, OIC Chief NMACLRC Willie Nacalaban, Chief Research Division Carmelito Lapoot, Bukidnon Provincial Veterinarian Dr. Nancy V. Diez ug si Vice Governor Hon. Rogelio N. Quiño nga nagrepresentar kang Bukidnon Provincial Governor Jose Ma. R. Zubiri Jr. nga gipahigayon sa Provincial veterinary sanitation checkpoint (PVSC) ALAE, Manolo Fortich, Bukidnon ni-adtong Septyembre 28, 2020.
Ang maong disinfection system ni kantidad og 1.5 million pesos nga adunay automatic sensor na maoy mo spray sa ligid ug lawas sa muagi na sakyanan pasulod sa probinysa.
Kini usa ka pamaagi para ma likayan ang possibleng pagsulod sa tanan Communicable animal diseases, hilabi na nga dinhi sa Probinsya sa Bukidnon nagpabilin na gawasnon sa African Swine Fever (ASF) hangtod sa kasamtangan.
Sa mensahi ni Director Collado, iyang gibutyag nga ang maong proyekto sa Department of Agriculture maoy timailhan nga seryuso sila sa pagbatok sa ASF sa Region 10 hilabi na sa Probinsya sa Bukidnon.
Dugang pa ni Director Collado nga kini pa lang maoy sinugdanan sa maong disinfection system og nag hangyo siya sa Probinsya sa Bukidnon na tabangan sila sa pag implementar og pag mintinar sa maong programa.
Sa katapusang bahin, gipaabot ni Vice Governor Quiño ang pag pag pasalamat sa tibuok katawhan diin kini nga programa dako ug ikatabang sa pag protektar sa produksyon sa tanang mag-uuma dinhi sulod sa Bukidnon ug ika-lipay nila kini.
Nanghinaut usab kini nga pinaagi sa maong programa maundang na ang pagkaylap sa ASF ug ma-mintinar sa Bukinon ang kagawasnon sa maong sakit sa mga hayop.
