Pagadian City – Naglusad na karon og makuti nga contact tracing aron matumbok ang mga gikauban ug gikahinagbo sa 22-anyos nga lalaki nga gikompermang nataptan sa makatakod sa Covid-19 Delta Variant.
Ang nagpositibo sa maong makatakod nga virus usa ka Returning Overseas Filipino nga gikan sa Malaysia nga taga dakbayan sa Pagadian.
Base impormasyon nga gipagula sa mga eksperto sa panglawas, gi-swab pa ang pasyente ayha nigikan sa Malaysia ug nagnegatibo sa RT-PCR busa gipalarga paingon sa Manila ug naabot kini Hulyo 22 ug didto gisubli pag-swab og ang resulta nagpostibo sa virus.
Gidugang pa nga nakahuman pa siya sa 14-days quarantine apan gikuhaan og dugang specimen sample for genome sequencing sa Philippine Genome Center ug nigawas sa resulta kagahapon ug nasayran nga DELTA Variant ang matang sa virus nga nakatakod kaniya.
Miabot siya sa Pagadian August 6 mipailalom sa home quarantine pag-abot dayon gikuha sa City EOC og gibutang sa quarantine facility.
Gikatakda nga ipailalom sa Swabtest ang mga gikahimamat sa pasyente nga natakdan sa Delta Variant.
