Sumala ni Dr. Michelle Schlosser, Officer-in-Charge sa maong pasilidad, libre ang programa para sa mga indigent clients, samtang ang mga aduna’y trabaho o kita nagabayad lamang ug ₱5,000 hangtod ₱10,000 matag bulan, diin labing barato kon itandi sa ubang mga pribadong pasilidad sa nasud.
Dugang pa nga nagpatuman og structured in-house rehabilitation program alang sa 91 ka in-patient clients nga molungtad sa unom (6) ka bulan, nga naglakip sa medikal, sikolohikal, espiritwal, ug business nga aspeto aron matabangan ang mga pasyente nga hingpit nga makabawi ug mobalik sa normal nga kinabuhi.
Samtang gihatagan sab og gibug-aton ni Dr. Schlosser ang pagbaton og tinood nga kalampusan sa usa ka drug dependent tungod kay gawas sa rehab, importante sab matud pa ang “recovery capital” o ang suporta nga makuha gikan sa pamilya, higala, ug komunidad isip lig-on nga sandigan sa pagbag-o sa ilang hinigugma.
RadyoMaN Kareen Beltran
