Naitala kahapon ang pinakamaraming bilang ng mga pasahero sa Parañaque Integrated Terminal Exchange (PITX).
Ayon kay PITX Spokesperson Jason Salvador, umabot sa 218,172 ang bilang ng mga pasaherong gumamit ng terminal kahapon.
Mas tumaas ito at nahigitan na ang record na pinakamaraming pasahero noong 2023 na 203,647.
Inaasahang magtutuluy-tuloy pa ngayon ang pagdagsa ng mga pasahero na uuwi sa mga probinsya ngayong Kapaskuhan at Bagong Taon.
Wala pa namang naitatalang untoward incidents sa terminal sa kabila ng buhos ng mga pasahero.
Pero sa mga nakalipas na araw, sari-saring mga ipinagbabawal na gamit na ang nakumpiska sa mga pasahero gaya ng mga matatalim na bagay, lighter, at butane gas.
Facebook Comments
