Sumala kan Kananga Leyte Mayor Matt Torres, an pagmugna hin festival ha Kananga in agud maipakita an mahusay nga ‘history’ ngan kultura han ira bungto ipinaagi ha bulig han National Commission for Culture and the Arts.
“It is our first, real and official festival. What makes it different especially today from all other festivals in the country is because this is really historical and this will only happen today, this is our first ever Kananga Kaanyag Festival,” siring ni Torres.
Unom nga festival contingents tikang ha elementary ngan secondary category an nagpaisan-isan ha festival street dance parade palibot ha mga kakalsadahan ha mao nga bungto ngan gin-sundan han grand ritual presentation.
An mga contingents in nagpasundayag ha ira iba-iba nga konsepto, choreography, production & costume design, props ngan iba pa.
Napili kumo pinaka-syahan nga grand champion ha secondary category an ‘Kanangahaning Matahom’ han Kananga III District ngan ‘Familia Matahom’ han Kananga I District ha elementary category. Hira in makakatagamtam hin P170,000 nga premyo ngan P100,000 naman an matatagamtaman han mga waray nagdaog.
Nakuha gihapon han Kanangahanong Matahom an special award nga Best in street dance, Most discipline, Best float, ngan an Photogenic award para han Festival queen. Gin-anunsyo naman kumo festival queen hi Graceldin Lagancia han Kananga District III.
Samtang, sumala kan Kananga Tourism Officer April Tanhueco, plano han LGU Kananga nga makabulig an Kananga Kaanyag Festival ha mga festival of festivals ha iba nga lugar ha Pilipinas agud ine in mas makilala pa.
