*Silay City, Negros Occidental* – Magabukas na sa masunod nga tuig ang pinakauna nga theme park sa Negros Island Region nga amu naman ang Magic Island.
Ang proyekto nagabalor sang P600M sa diin makit-an ini sa 3.75-hectare lot sa Barangay Guinhalaran, mga 12 kilometros gikan sa Bacolod City.
Suno kay Reynaldo Bantug, presidente sang developer nga Aton Land and Leisure Inc., nga katuyuan sang proyekto amu nga makahatag ini sang socio-economic growth sa Negros paagi naman sa pagpa-ugwad sang iya tourism industry.
Dugang pa ni Bantug nga ang theme park ang may ara sang mga facilities para sa mga rides kag entertainment; educational kag cultural exhibitions; food and beverage; merchandise; lakip man lifestyle hubs.
Ang Magic Island ang maga showcase man sang Negrense folklore, culture and art sa iya nga entertainment kag educational facilities, lakip man sa architecture.
Ang theme park ang may ara sang inisyal nga 15 ka mga atraksyon kaangay sang carousels, kiddie kag family rides, thrill rides kag go-karts, isa ka haunted house, lakip man mga arcade games.
Isa sa mga suppliers amu theme park ang isa ka Italian company nga Zamperia, nga amu man ang pinakadako nga supplier sang Disneyland.
Ang theme park ang maka-accommodate sang 3,000 ka mga bisita kada adlaw.
rides,
