Davao City – Giinagurahan na niadtong Lunes (September 22, 2025) ang pinakaunang Senior Citizen Community Care Center sa siyudad sa Davao nga muhatag og managlahing serbisyo alang sa mga edarang Dabawenyo.
Nahimutang kini sa Block 3 Rojo-Aqua St., Dacoville Subdivision, Dumoy ning siyudad sa Davao diin mamahimong makadawat ang mga senior og health care ug wellness program, livelihood training ingon man serybisyo sa gobyerno.
Gipanguhan ni Davao City Acting Mayor Sebastian “Baste” Duterte ang maong inagurasyon inubanan sa Office of the Senior Citizens Affairs (OSCA), National Commission of Senior Citizens (NCSC) ug Department of Social and Welfare Development (DSWD).
Matud pa kang Cesar Adegue IV, ang NCSC Davao Regional Director nga ang maong center ang pinakauna sab sa tibuok rehiyon sa Davao nga gatinguhang mapagaan ang kahimtang sa mga Dabawenyong senior.
RadyoMaN Leo Battulayan
Facebook Comments
