Pinal nga resulta sa Athletic Meet gi-anunsyo na

Pagadian City – Gianunsyo na sa kagamhanang probinsyal ang pinal nga resulta ug nahimong mananaug sa gipahigayong Provincial Athletic Meet dinhi sa Zamboanga del Sur.
Mahinumdumang gisugdan ang athletic meet kaniadtong Domingo hangtud kagahapong adlawa.
Sa over-all rank, nanghawod sa kompetisyon ang Zone 4 kinsa nakahakot sa 84 ka gold medals, 50 ka silver ug 50 usab ka bronze medals. Ang Zone 4 naglangkob sa lungsod sa Margosatubig, V. Sagun, Guipos, Lapuyan ug San Miguel.
Ikaduha sa pwesto ang Zone 5 kinsa nakaangkon ug 82 ka gold medals, 65 ka silver ug 69 usab ka bronze medals. Ang Zone 5 naglangkob sa lungsod sa Dinas, Dimataling, Tabina, San Pablo ug Pitogo.
Naangkon usab sa Zone 2 ang ikatulong posisyon sa kompetisyon kinsa nakatigom sa 52 ka gold medals, 51 ka silver ug 56 usab ka bronze medals. Ang Zone 2 naglangkob sa lungsod sa Aurora, Midsalip, Sominot, RM, Labangan ug Tukuran.
Ikaupat an Zone 1 nga naglangkob sa lungsod sa Dumingag, Josefina, Mahayag, Molave ug Tambulig ug ang ikalima ug pinakaulahi mao ang Zone 3 nga gilangkoban sa lungsod sa Bayog, Dumalinao, Kumalarang, Tigbao ug Lakewood.
Samtang gi-congratulate sa kagamhanang probinsyal ang mga participante sa malampusong pagpahigayon sa Provincial Athletic Meet 2019.

Facebook Comments