Ramon Magsaysay, Zamboanga del Sur – Wala na makaikyas pa sa kamot sa otoridad ang usa ka pinangita sa balaod kagahapong adlawa.
Kini human gilusad ang hiniusang operasyon sa kapulisan sa Ramon Magsaysay ug sa RMFB 9, 902nd Maneuvering Company didto sa Purok 10, (Catadman), Barangay Manabay, Ozamis City.
Ang operasyon miresulta sa malampusong pagkasikop sa usa ka nagngalang Jhon Marck Sumondong , 20 anyos, ulitawo, walay trabaho ug residente sa Purok 1, Barangay Wakat, Ramon Magsaysay, Zamboanga del Sur.
Gidakop ang akusado pinasikad sa gahom sa arrest warrant alang kasong Murder kon Pagpatay nga gipagawas ni Judge Analyn F. Ramas-Costanilla, ang Presiding Judge sa RTC, 9th Judicial Region, Branch 30, Aurora, Zamboanga del Sur kaniadtong Mayo 27, 2019.
Walay pyansa nga girekomenda ang Korte bugti sa temporaryong kagawasan sa dinakpan.
