Pinangita sa balaod sa kasong pagpangawat, naaresto

32

Margosatubig, Zamboanga del Sur – Sa presohan ang puntarya sa usa ka lalake human kini ang naaresto didtung dapita sa Purok Doña Aurora, Barangay Poblacion, Margosatubig Zamboanga del Sur.
Nag-ipon ug pwersa ang mga personahi sa kapulisan sa Margosatubig MPS sa pagpangulo ni PSSg Midjhon G Reillo, Asst. Investigator ug pito ka elemento sa Criminal Investigation and Detection Group Zamboanga del Sur, ug 2nd MC ZSPMFC.
Sa may alas 6 ang takna kagabii (July 16, 2021) nadakpan ang nagngalan ug Julito Badian Mangangot aka “Bullet” 18, anyos, lalake, ulitawo, laborer ug residente sa nasangpit nga lugar.
Betbet sa mga otoridad ang warrant of arrest sa kasong Robbery in Inhabited House or Public Building or Idifice Devoted to Worship (RPC Art. 299) dinukitan Ilalom sa Criminal Case number nga 2021-072.
Gi-issue ang maong kaso sa sala ni Hon. Ruben Nicasio Bance, Presiding Judge sa Municipal Circuit Trial Court sa San Miguel, 9th Judicial Region, Branch 29, San Miguel, Zamboanga del Sur, atung July 14, 2021.
Sa impormasyon nasayran nga ang akusado gitugutan kini sa korte nga makapyansa sa kantidad nga 48 mil ka pesos.
Sa pagkakaron ang maong dinakpan ang nakakostodya na sa nahisgutang police station alang sa tukmang disposisyon.

Facebook Comments