Davao City – Giproseso na sa City Social Welfare and Development Office (CSWDO) ang financial aid alang sa mga nasunogan sa KM 6, Tinago Drive, Brgy. Matina Crossing ning syudad.
Sumala ni CSWDO head Atty. Marlisa Gallo, nitunol na og immediate needs ang lokal nga gobyerno sama sa pagkaon, habol ug unlan, mga tents nga temporaryong kapondohan sa tanang pamilyang na-displaced.
Anaa sa P15,000, P10,000 o P5,000 ang madawat nga assistance sa mga house owners o renters depende sa validation sa mga social workers.
Sa inisyal nga datos sa CSWDO anaa sa 21 ka pamilya ang apektado samtang 14 ka mga balay ang nasunog 10 ang totally damaged ug 4 ang partially damaged.
“Depende ni sa assessment sa mga social workers nato naa may mga home owners nga ilahang balay gamay ra pod diay wala lang pod kaabot sa value sa P10,000,” sumala niini.
Gihilak na lang ni Teresita Tanggapa usa sa mga nasunugan ang pagkahanaw sa iyahang balay pati sa iyahang ginagmay nga panginabuhian.
Sagad kanila, ilahang kaugalingon lang ang nasalbar ug tanang kabtangan nila lakip sa mga naabo.
Gibutyag ni SFO4 Ramil Gillado sa Davao City Fire Disctrict Intelligence and Division Section, gituohang tungod sa bata nga nagdula og posporo ang tinubdan sa sunog apan padayon pa nila kining ginaimbestigahan.
Anaa sa P150,000 ang damyos sa sunog.
RadyoMaN Aimee Guinita
