Pinasahing performance ipakita sa Agusan contingent sa Indak-Indak

Davao City – Paningkamutan sa Agusan del Sur Artists’ Guild, usa sa Indak-Indak sa Kadayawan contingents, nga ilang makuha ang boto sa judges sa umaabot nga kompetisyon sa Agosto 19, 2023, Sabado.

Sa interview sa DXDC RMN Davao kang Marc Hingco, choreographer sa grupo, iyang gibutyag nga unang higayon nga musalmot ang Agusan del Sur sa Indak-Indak, diin ang performers gilangkuban sa 125 ka indibidwal.

Matud ni Hingco nga ang ilang dancers naggikan sa lain-laing munisipalidad sa Agusan del Sur ug karon nagkahiusa aron ipakita ang ilang pinasahi nga talento atol sa maong kompetisyon.

“Storywise which is akong masulti nga forte nako, the storytelling through dancing. Of course, naa gihapon na siya. I’m sure that Agusan del Sur will give another flavor and another masterpiece for Kadayawan this time,” sulti ni Hingco.

Karong tuiga, ang Indak-Indak sa Kadayawan, adunay 19 official entries, diin 6 niini mga contingent alang sa Davao City School Based Category samtang 13 alang sa Open Category o kadtong mga partisipante gawas sa dakbayan sa Davao.

RadyoMaN Kirby Manzon