PINAY ARESTADO | Isa ang patay kag 4 ang nadakpan nga involve sa “Online romance scam” sa Malaysia

95

Report ni: Tita Jen Palomo Debaja Arestado ang isa ka pinay kag 3 ka Nigerian national samtang patay naman ang isa pa ka suspetsado matapos nahulog sang tuyo mag palagyo sa mga pulis. Natabo ang pag raid sa nahamtangan sang mga suspek takna alas 12:30 sang domingo Marso 11, 2018 sa isa ka condominium unit sa Desa Aman Puri, Gombak, Selangor Malaysia, kon sa diin gindakop ang pinay kag ang boyfriend sini nga isa ka Nigerian. Base sa preliminary investigation sang Malaysian police, imbulbado ang apat ka arestado sa isa ka online romance scam kon sa diin modus sang grupo ang mang into sa facebook sang ila mangin biktima. Una nga ma friend request ang mga suspetsado kag magpakilala bilang British national, retired US Military officer, doktor kag abogado. Narekuber sa mga arestado ang 7 ka debit cards, 8 ka mobile phones kag 5 ka laptops nga gina patihan ginagamit sang mga suspek sa pag transaksyon sa ila mga biktima. Ginpatigayon ang nasambit nga raid matapos nag responde ang mga police sa reklamo sang isa ka 58 anyos nga Malaysian national nga suno sa iya nangin romantic kag intimate ang ila relasyon sang nagpakilala nga isa ka British nga nangin boyfriend sini sa facebook. Ginpahayag sang biktima nga nagpadala sang package ang iya boyfriend apang maclaim lang ini kon padal an sang kwarta agud ma release ang package nga yara sa customs. Nagpadala man ang biktima sang balor 13,200 ringgits (US$3,380). Ang apat ka suspek naga edad 30 tubtob 34 anyos. Tatlo sa mga ini ang nagsulod sa Malaysia gamit ang student visa samtang tourist visa naman ang iban pa nga kaupdanan. Nagapabilin sa kustodiya sang Malaysian police ang apat ka mga suspetsado samtang nagahulat sang masunod nga hearing sa Marso 24.

Facebook Comments