Report ni : Jennifer Palomo Debaja
Katorse ka tuig nga malinong ang pag ubra bilang domestic helper sa HK ni VB Daria 40 anyos sang gulpi lang nag bag o ini sang nangin guarantor sa utang sang abyan sa bangko .
Sa pahayag sang employer sang pinay , nakaandan na sini nga taguon sa isa ka locked cabinet ang iya mga alahas kg importante nga mga dokumento kalakip na ang pasaporte ni Daria . Siya gid lang ang nagakapot sang liyabe diri nga nasulod sa iya bag nga kon kes a ginabilin ya man sa ila balay .
Nakibot na gd lang ini sang Sept. 2 nga kuhaon kon tani ang passport sang pinay agud eterminate sa rason nga napatumbayaan na ang iya ubra sang natalupangdan wala na ang iya mga alahas nga naga balor $42,380 Hong Kong dollars.
Sa pag pangusisa sang amo sa kwarto sang pinay, nakita ang 2 ka pawnshop slip nga ginprenda sang pinay sa sulod sang iya shoulder bag kg gin ako man ni Daria ang pagkawat sang mga alahas.
Isa ka seryoso nga krimen sa HK ang pag pangawat apang tungod nag plead guilty si Daria sang Oct.11 kg nag pakita sang pag hinulsol kg dugang pa ang clear record sa sulod sang 14 anyos nga pag ubra bilang domestic helper, imbis nga 6 ka bulan ang sintensya nga pag ka priso gin panubo ini sa 4 lang ka bulan.
