Report ni: Jennifer Palomo Debaja
Isa naman ka 26 anyos nga Filipina hiker ang patay matapos nahulog samtang naga selfie sa isa ka Busay sa Hong Kong subong nga adlaw sang biyernes Abril 5, 2019.
Nagluntad ang insidente mga takna alas 11:00 kaina sang aga samtang naga hiking ang biktima upod ang iya utod kag 4 pa ka kaabyanan sa Tai Mo Shan Country Park.
Suno sa kaupdanan sang biktima, alas 9.30 kaina sang aga sang nakalab-ot ang mga ini sa Ng Tung Chai Waterfall sa Taipo.
Samtang gina explore sang grupo ang matahum nga palibot sang busay, nakibot nalang ang mga ini sang gulpi may pila ka hikers sa lugar ang nagpahibalo nga nahulog ang ila upod.
Sa pahayag sang mga naka saksi sa hitabu, naga selfie ang biktima kag mahimu na off balance ini rason nga nahulog sa batuhon nga porsyon sang busay 30 metros ang kadalumon halin sa iya nahamtangan.
Gintinguhaan pa kag gin rescue ang Pinay paagi sa pag airlift gamit ang Government Flying Service helicopter agud madala ini sa pinakamalapit nga ospital apang ginbawian gid sang kabuhi mga takna alas 2:13 kaina sang hapon sa Tuen Mun Hospital.
