Report ni: Tita Jen Palomo Debaja
Nadulaan sang hulam nga kabuhi ang isa ka pinay 2 ka oras matapos nakit an sang amo nga wala sang pangalibutan sa banyo.
Takna alas 8:15 sang aga Enero 9 ginbawian sang kabuhi si Erlinda Diego Cabulong, 45 anyos , 2 ka oras matapos gindala sa Tuen Mun Hospital sang iya mga amo.Asta subong wala pa mahibaluan ang rason sang pagkamatay sini.
Sa subong nakahaya ang bangkay ni Erlinda sa Kwai Chung Public mortuary kag gina hulat pa ang skedyul sa pag papauli sang iya bangkay sa Purok 4, Villa Santiago, Aglipay, Quirino.
Base sa pahayag sang utod nga si Mercedes Jasmin Diego, gina hulat pa ang resulta sang eksaminasyon sa bangkay sang utod agud mahibaluan ang kabangdanan sang iya kamatayun.Dugang pa sini nga wala man sang sakit nga hypertension si Erlinda.
“Napakasakit ang biglaan niyang pagkawala, wala man siyang senyales na mawawala na siya dahil nakagroup chat at nakavideo call pa ang mga anak noong gabi bago siya mamatay, kaya di namin matanggap na wala na siya”.
Sa pahayag pa gid ni Mercedes , gin pangakuan sang amo nga gastuhan ang pag papauli sa bangkay ni Erlinda apang asta lang gid sa Manila kg sila na ang maga shoulder sang iban pa nga gasto para maka lab ut si Erlinda sa Quirino.
Ang amo ni Erlinda nga si Josephine Ngan ang una nga nagbalita nga nasapwan na gid lang sa banyo ang pinay nga wala sang pangalibutan kag bangud naka lock ang cp sini nanawagan ini paagi sa Facebook tawagan ini insigida sang utod ni Erlinda kon makita ang iya panawagan.
Nahibaluan nga15 na katuig nga naga ubra bilang domestic helper sa Hong Kong si Erlinda apang manug 2 palang ka tuig ini sa pamilya Ngan sa maabot nga Agosto. Naka pauli pa ini sang Abril sa iya pamilya sa Pilipinas.
Ginbilin ni Erlinda sa kalisud ang iya bana kag duwa ka kabataan nga naga edad 25anyos kg 23anyos puro lalaki.
