Report ni: Tita Jen Palomo Debaja
Ginbawian sang hulam nga kabuhi ang isa ka pinay nga taga Tagbilaran City samtang naga limpyu sang salakyan sang iya amo sa Shatin.
Takna alas 7:49 sang aga Enero 20,2018 sang nakit an ang pinay nga ginkilala kay Elma ,43 anyos nga naga hayangon sa 1st floor sang Wo Che Estate carpark sa Shatin.
Dali dali nga gindala ang biktima sa Prince of Wales Hospital apang gin deklarar nga napatay bisan ginsapar pa kuntani nga erevive.
Asta subong wala pa nahibaluan ang kabangdanan sang kamatayon sang pinay.
Nagpahayag ang opisyal sang Assistance To Nationals sang konsulado nga maga padulong sa Hong Kong ang 21 anyos nga anak sang biktima agud mag process sa pagpapauli sa bangkay sang iya Iloy.
Gina ready naman sang ATN office sang konsulado ang mga dokumento nga kinahanglanon para sa repartriation sang iya bangkay.
Samtang gina umpisahan naman sang Overseas Workers Welfare Administration ang pag process sang funeral kg death benefits sang biktima.
Sa pahayag sang police spokesman sa The SUN , gulpi lang nga natumba ang pinay samtang naga limpyu sang salakyan sang iya amo. Gilayun man nga nagtawag sang ambulansiya ang naka kita sang pinay nga naga hayangon sa tupad sang balde kg cleaning equipments nga gingamit sini.
Gina pasuni nga basi nagutman o na overworked ang biktima apang gin pakamalaut sang iya abyan ang spekulasyon.
Ginpahayag pa sini nga madugay na ang ginabatyag sang biktima apang gina dala dala ya lang ini . Dugang pa sang abyan nga mabuot ang employer sang napatay.
