Report ni: Jennifer Palomo Debaja
Isa ka 28-anyos nga Pinay domestic helper sa Singapore ang ginpamatbatan sang 16 ka semana nga pagkapriso matapos narekuber sa iya posisyon ang $5,000 Singapore dollars nga nakatago sa iya private part sa ginpatigayon nga body scan sa Changi Women’s Prison.
Nag plead guilty sang Huwebes, Mayo 9, 2019 sa Singapore court si Bajo Nelgielyn Bobita sa two counts sang thieft sa pagpangawat sa iya 69-anyos nga employer.
Base sa record sang police, pangatlo na ini nga pagpangawat ni Bobita sa iya employer kon sa diin nagluntad ang iya una nga krimen sang February 22, 2019.
Suno sa employer sini nga si Ms. Lee ginkuha ni Bobita sa iya bag ang liyabe kag PIN number nga nakasulat sa papel sang safe kag ginkuha ang S$3,000 (US$2,200) Kon sa diin ginremit niya sa Lucky Plaza sa Orchard Road sang Pebrero 24 kag Marso 30 ang kwarta.
Samtang nagluntad ang ikaduwa nga krimen pagkatapos sang duwa ka semana sang Marso 6, kon sa diin matapos ginkawat sang Pinay ang S$5,002 (US$3,668) gintago niya ini sa iya kwarto apang sang ginsearch sang mga police ang lugar wala gid nakita ang kwarta.
Nahibaluan nga samtang ginapatigayon ang body scan sa Pinay sang yara na sa Changi Prison sang Marso 8, nadetect sa sulod sang iya private part ang kwarta rason nga ginpamatbatan ini sang 4 ka bulan nga pagkapriso.
