Report ni: Tita Jen Palomo Debaja
Igapaidalum sa second operation ang pinay tourist nga padayon gina bulong sa Queen Elizabeth Hospital matapos naka angkon sang kapilasan sa iya kamot kag tiil sang nag lupad nga sinage samtang naga waswas si Bagyo Mangkhut sa Hong Kong sang Domingo.
Isa ka dentista ang pinay kag nagbisita lang sa Hong Kong upod ang bayaw sini.
Sa pagpangusisa sang kapulisan, nahibaluan nga naggwa ang pinay agud magbakal sang kape sa 7 eleven malapit sa gina dayunan nga Mirador Hotel sa Tsim Sha Tsui sang naigu ini sang nagalinupad nga sinage samtang yara sa typhoon signal number 10 ang Hong Kong sang domingo, Setyembre 16, 2018.
Sa pahayag ni Vice Consul Paul Saret sang ATN Section sa Phil. Consulate sa Hong Kong, apisar insigida nga gin operahan ang biktima sang gindala una sa ospital kag yara na sa maayo nga kahimtangan, i gapaidalum pa ini sa ikaduwa nga operasyon agud mapadali ang pag recover sini.
Gina pahalong man ang tanan nga mag aligmat kon naga lakat sa makahoy nga lugar tungod padayon nga naga kahulog ang sanga sang kahoy nga ginlaslas ni Bagyo Mangkhut.
