Davao City – Naka angkon og pipila ka mga samad dinunggaban ang usa ka piniriso sa Davao City Jail sa dihang gidunggab kini sa kauban niyang piniriso sulod sa maong prisohan niadtong miaging adlaw.
Base sa rekord sa Talomo PNP, ang biktima giila nga si alyas Pugoy samtang ang suspek naila nga si Jacob Bala Plaza.
Sumala sa imbestigasyon sa kapulisan bandang alas 4:20 samtang ang biktima nagsugba og isda ug kalit kini giduol sa suspek dayon gidunggab sa makadaghan nga higayon sa nagka lain-laing parte sa iyang kalawasan gamit ang lansang.
Hinoon luwas na sa makuyaw nga kahimtang ang biktima samtang ang suspek gidala na sa disciplinary cell ug ginahulat pa ang mga kabanay sa biktima kon mopasaka kini og kaso ngadto sa suspek.
RadyoMaN Paul Canono
