PINOY BARTENDER SA HK, ARESTADO SA TUYO NGA PAG SMUGGLE SANG DRUGA HALIN SA THAILAND

691

Report ni: Jennifer Palomo Debaja

Arestado ang isa ka 27 anyos nga Pinoy sang Huwebes Enero 24, 2019 sa HK International Airport matapos gintuyo sini nga mag palusot sang ilegal nga druga halin sa Thailand.


Nakumpiskar ang 17 tanan ka pakete sang suspected ketamine sa bagahe sang Pinoy nga GINAPATIHAN NAGABALOR sang HK$2million dollars.

Ginkilala ang Pinoy Kay Benoza Richard Marc Altares, isa ka Hong Kong Identity Card holder, kag naga obra bilang bartender sa Hong Kong.

Base sa press release sang otoridad, nag abot ang Pinoy halin sa Thailand sang huwebes sang hapon kag nakita ang 17 ka pakete upod sa mga snacks sa iya bagahe.

Nagabug-at ang ginasuspetsuhan nga ketamine sang 4.2 kilograms kag may estimated nga market value sa balor nga HK$2 million (US$254,915).

Gilayon nga gin arestar ang Pinoy kag gin charge sang one count nga drug trafficking.




Gintinguhaan pa sang defense lawyer sang suspetsado nga mag pyansa sang HK$2,000, in cash apang wala ini ginpahanugutan.

Nagapabilin sa kustodiya sang otoridad ang nasambit nga suspek kag naka skedyul ang masunod nga hearing sang iya kaso sa West Kowloon Magistrates’ Court sa March 27, 2019.

Sa idalum sang HK Dangerous Drugs Ordinance, ang pag palusot sang makahalalit nga druga isa ka serious nga krimen. May yara ini sang maximum penalty nga HK$5 million kag life imprisonment.

Facebook Comments