Pinoy conjoined twins na sasailalim sa operasyon sa Saudi Arabia, dumating na sa Riyadh

Kinumpirma ng Philippine Embassy sa Riyadh na dumating na sa Saudi Arabia ang Filipino conjoined twins na ooperahan doon.

Ang conjoined twins na sina Klea Ann at Maurice Ann Misa na mula sa Lubang Island, Occidental Mindoro ay agad na isasailalim sa operasyon para sila ay mapaghiwalay.

Nag-courtesy call na rin ang kambal at kanilang mga magulang kay Philippine Ambassador to Riyadh Raymond Balatbat.

Ang Pinoy conjoined twins ay ooperahan sa tulong ng Saudi Conjoined Twins Program.

Sila ang ikatlong Filipino conjoined twins na ooperahan sa tulong ng Saudi Arabia.