Report ni Jennifer Palomo Debaja
Dali dali nga gindala sa Pamela Youde Nethersole Eastern Hospital ang isa ka Pinoy drayber matapos gin utod ang iya manoy kag gin flush sa inidoro.
Ginkilala ang Pinoy kay alyas Martin 42 anyos kag naga live in upod sa iya domestic helper nga girlfriend sa Shaukeiwan.
Takna alas 7:39 sang domingo sang aga nakibot na gid lang ang 37 anyos nga girlfriend sang naabtan sini ang nobyo sa ila ginarentahan nga balay kon sa diin missing na ang manoy sini kag madamu ang dugo . Dali dali man ini nga nagpangayu sang bulig sa kaingud nga nagtawag sang medics kag police.
Nakatigayun pa ini nagpanugid sa mga police nga gin flush ang iya manoy sa inidoro.
Sa pag pangusisa sang mga police, gin pakamaayu nga utdon sang pinoy ang manoy sini samtang wala ang iya girlfriend. Gin classified ang kaso nga attempted suicide samtang wala man sila sang nakita nga suicide note.
Depression ang gina patihan nga rason basi sa panaysayon sang girlfriend sini.
Samtang naga palab ut ang The Samaritans Hong Kong nga pwede gid makuntak ang ila 24~hour multilingual suicide ~prevention hotline sa +852 2896 0000.
