Report ni: Jennifer Palomo Debaja
Gintinguhaan pa nga madala sa Rotunjee Hospital sa Wanchai kon sa diin nadulaan sang kabuhi ang isa ka Pinoy drayber matapos nag collapse ini kaina sang aga sa Amber Lodge, Mount Butler Drive, Jardines Look Out.
Ginkilala ang biktima kay Cesar Germano, 52 anyos, tumandok sang Leyte kag 26 ka tuig na nga naga obra bilang drayber sa Hong Kong.
Sa pahayag ni Nelson Laxamana isa man ka Pinoy drayber, kag taga Cristo Rey, Capas, Tarlac. Hana na kon tani nga magpa carwash ang biktima sang nakabatyag sang pag pin-ot sang dughan kag hinali nga natumba.
Madasig nga nag responde ang medics kag gin dapatan gilayon sang first aide ang biktima antis dal-on sa ospital apang gindeklara ini nga DOA sang doktor.
Dugang pa ni Laxamana, base sa pahayag sang anak sang biktima iga paidalum sa autopsy ang bangkay agud mabal-an ang kabangdanan sang iya kamatayon.
