Report ni: Tita Jen Palomo Debaja
Ang misteryo sa homecide kag pag ka diskubre sa “water tank” bones sa isa ka factory sa Korea amat amat na nga naga sanag sa bulig sang mga ebidensiya nga nasagap sang Korean Police.
Base sa balita nga nabalhag sa Korea Times subong nga adlaw, Mayo 2, 2018, kumpirmado nga iya sang Pinoy ang tul-an nga nasapwan sa water purifying tank sang factory sa Hwaseong, Gyeonggi Province, sang nagligad nga bulan.
Ginkumpirmar man sang otoridad nga ang resulta sang DNA sang tul-an nag match sa DNA sang pamilya sa Pilipinas.
Sa pahayag sang Korean police, naga pakita sa record sang immigration nga nag abot sa Korea ang biktima tuig 2014 kag nag obra sa paint factory sa Hwaseong kag na missing ini sang Enero 2016. Sa pahayag sang nakakilala sa biktima, katapusan ini nga nakit an sang Disyembre 2015 sa isa ka drinking session upod ang mga suspects.
Ginpa idalum na sa manhunt operation ang 4 ka suspetsado nga puro man pinoy. Tatlo sa mga ini ang ginapatihan nakapauli na sa Pilipinas apang ang isa sa mga suspek naga pabilin pa sa Korea.
Sa madumduman, nasapwan sang Abril 3 2018 ang kalabira sang biktima nga naputos sang jacket sang ginlimpyuhan ang nasambit nga water tank. Sa forensic result nakit-an nga wasak ang nawala nga bahin sang kalabira nga nagapatimaan gin lampusan ini samtang buhi pa ang biktima.
Nagapati man ang Korean Police nga ginpatay ang biktima sa iban nga lugar kag gin haboy ang bangkay sa water tank sang factory.
Ginahulat pa ang official statement sang Philippine Embassy sa Korea agud mag confirm sa identity sang biktima.
