Report ni: Tita Jen Palomo Debaja
Wala na ginpahanugutan pa nga maka sulod sa Macau ang isa ka 40 anyos nga pinoy sang mag abot ini sa Macau Airport halin sa Manila sang Martes. Samtang nagapila ini sa immigration nadiskubrehan sang officer nga 2 ka ngalan ang iya gamit sa ila database.
Ginkilala ang pinoy sa surname nga Manzano kag naka obra bilang driver sa Macau.
Nahibaluan nga pila ka beses nag lapas sang iya condition of stay ang pinoy rason nga wala na ini gin pasugtan pa nga maka obra liwat sa nasambit nga pungsod.
Una nga gin aresto si Manzano sa isa ka casino sang tuig 2010 kon sa diin nag overstay ini sang 444 ka adlaw. Nasulit naman ini sang 2011 sang nag overstay ini sang 83 ka adlaw.
Tungod suno sa iya wala ini sang kwarta nga igawad sang air ticket pauli sa Pinas, nagpasugot ang officer nga magpabilin siya sa Macau sa kondisyon nga magreport ini sa presinto sa ginhatag nga skedyul.
Sa sulod sang 6 ka tuig wala nagpakita sang landong si Manzano sa police gani gindumilian ini sang 5 ka tuig nga magsulod sa Macau.
Tuig 2017, nagpresentar sang ticket si Manzano sa police gani gilayon Indi nga gindeport sa Pilipinas.
Apisar gin ilisan ni Manzano ang iya ngalan, nakita gihapon sa facial recognition procedure check nga naga angkon ini sang dual identity.
Nahibaluan nga nag ilis sang pangalan si Manzano samtang yara sa Pilipinas kag gintinguhaan kuntani magbalik sa Macau sang Martes gamit ang bag-o nga pasaporte apang sa facial recognition check wala gid ini nakasalbar kag makilala.
Gindiretso si Manzano sa Public Prosecution Office agud atubangon ang iya kaso nga “illegal re-entry” kag “false declaration of identity” kag igadeport siya sang Public Security Police pabalik sa Pilipinas.
