PINOY NGA GINAPATIHAN NAGHIKOG, NASAPWAN NGA NAGA BITAY SA ISA KA APARTMENT SA HONG KONG

Report ni: Tita Jen Palomo Debaja

Padayon pa ang imbistigasyon sang HK Police sa kamatayon sang isa ka 42 anyos nga OFW sa HK matapos nasapwan ini nga nagabitay sa kusina sang isa ka apartment sa 913 Canton Road sa Mongkok.

Suno sa nag circulate nga balita sa lokal media, takna alas 7:00 sang Domingo sang aga Oktubre 14, sang nag abot ang 27 anyos nga Filipina girlfriend sa ginarentahan nga apartment sang OFW kag nakita nalang sini ang nobyo nga naga bitay gamit ang lubid nga gina higot sa ido (dog leash).


Gina patihan sa inisyal nga imbistigasyon sang kapulisan nga work related kag relationship problem ang rason kon ngaa naghikog ang Pinoy.

Wala sang nakita ang mga police nga suicide note sa lugar sang insidente kag wala man sang indikasyon nga may foul play sa kamatayon sini.

Nahibaluan nga gin hukas pa sang nobya ang nagahigot nga lubid kag gilayon nga nagtawag sang police.

Ginhingagaw pa nga gindala sang nag responde nga paramedics ang Pinoy sa Kwong Wah Hospital apang gin pronounce na ini nga patay sang doktor.

Samtang, nagpanugyan ang The Samaritans sa mga may ginadala dala nga problema nga pwede gid sila makatawag sa 24-hour multilingual suicide prevention hotline nga +852 2896 0000.

Facebook Comments