Davao City – Nagpangurog na lang ang usa ka Overseas Filipino Worker (OFW) human nga sa unang higayon nasinatian niya ang kakusog sa magnitude 7.6 nga linog sa Japan.
Sa mensaheng gipadala ni Jovelyn Dasmas sa DXDC RMN Davao, iyang gisaysay nga igo gyud niabot sila niadtong tungora sa usa ka kan-anan, kalit lang nga nitay-og ug wala silay laing nabuhat kung dili ang muhilak na lang tungod sa kahadlok.
Butyag niya nga dali dayon silang giabisuhan nga muadto sa buntod nga dapit human sa tsunami alert.
Dugang ni Dasmas nga naglisod na sila karon sa ilang trabaho ilabi na nga adunay mga kalsada ang nangaguba nga di maagian ug ang kawad-on sa kuryente.
Sa ulahing datos usab, miabot na sa 62 ang nakabsan sa kinabuhi tungod sa gikusgon sa maong pagtay-og.
RadyoMaN Ivy Parido
Facebook Comments
