Report ni: Tita Jen Palomo Debaja
Isa ka shipyard sa Taiwan ang gin warningan sang Kaoshiung Government matapos wala sang representative sini nga nagsipot sang Miyerkules sa ika 3 na nga pag patawag sang concillation meting nga gin schedule sang Labor Affairs Bureau para atubangon ang mga workers nga wala ginswelduhan sang 2 na ka bulan.
Naga pangatubang subong sang legal action ang Ching Fu Shipbuilding Company matapos napaslawan nga swelduhan ang 115 tanan ka trabahante nga kalabanan Pinoy.
Base sa balita nga nabalhag sa Asia Times ,naglab ut sa 45 ka Pinoy OFWs nga shipyard workers ang wala naswelduhan halin pa sang Oktubre. Nagpanawagan na ang awtoridad sa mga employment agency sang tagsa ka Pinoy nga asisteran ang mga ini sang ila kinahanglanon samtang sige pa ang hulat sang ila mga sweldo.
Base sa pahayag sang Labor Bureau ,gin multahan na sang NT$300,000 (US$10,000) ang Ching Fu sa kapalaswan sini nga pag pasweldo sa mga trabahante sa bulan sang Agosto kg Setyembre kg mukta nga nag lab ut sa NT$600,000, para sa Oktubre. Sang Huwebes, Disyembre 21,2017 multa sa tutal nga NT$1 million naman ang gin isyu sang Labor Bureau para sa delayed nga pasweldo sa bulan sang Nobyembre.
Sa bulig man sang Taiwan Labor Bureau ,sa 45 nga Pinoy workers, 7 na ang nagpauli sa Pilipinas, 4 ang nakakita sang bag o nga ubra kag 4 pa ang nagahulat sang pending nga trabaho .
Naga hulat naman ang 30 pa ka Pinoy nga naga pa bilin sa Ching Fu sa full compensation nga gin pangako sang kumpanya nga paga bayaran matapos man nila mabatun ang bayad kon madeliver na ang mga barko sa ila buyers.
Nagpasalig ang Labor Bureau nga padayun nila asisteran ang mga Pinoy workers sang ila reklamu batuk sa Ching Fu Shipbuilding Company asta masolbar ini.
