Report ni: Jennifer Palomo Debaja
Viral sa social media ang litrato sang isa ka Pinoy matapos nangin “instant millionaire” ini sang magdaog sang 7 Million Dollars sa Lotto.
Ang maswerte nga Pinoy ginkilala kay Vito Halasan, 58 anyos kag isa ka janitor sa Canada.
Suno kay Halasan, 2009 siya nagpadulong sa pungsod Canada sa handum nga mahatagan sang masulhay nga pagpangabuhi ang iya pamilya.
Pila ka adlaw matapos nagselebrar ini sang iya kaadlawan, nag gwa man ang number combination nga pirmi sini ginatay-an sang Abril 27, 2019.
Puno sang kalipay nga ginpahibalo sang Pinoy sa iya pamilya ang iya nabaton nga swerte sa pagtaya sa Lotto, apang dugang sini, magapadayon siya sa pag obra bilang janitor sa pihak sang iya naangkon nga minilyon.
Si Halasan may tatlo ka kabataan nga halos indi makapati sa Nangin swerti sang ila amay.
Credit photo : US Inquirer
