Report ni: Jennifer Palomo Debaja
21 ka adlaw nga mapriso si Billy Vega ,45 anyos may asawa kag 4 ka kabataan matapos gin pamatbatan sang indecent assault sang Oct.25.
Sa pahayag sang biktima nga isa ka Intsik, takna alas 10:40 sang Hulyo 28 sang aga samtang sakay ini sang train sang gulpi lang nabatyagan may nagtandog sa iya pagka babaye kag nakita sini ang palad ni Vega nga naga pilit pa. Ginpamangkot sini si Vega sa Cantonese 4 ka beses kon ngaa ara gid sa pagka babaye ang kamut sini apang wala nakasabat si Vega.
Nahibaluan nga naka pangasawa sang HK resident si Vega apang indi gd maayu ang Cantonese sini rason nga wala maintindihan ang pamangkut sang babaye kg wala ini nakasabat.
Dali dali nga nagreklamo ang Intsik kg gin aresto si Vega sina man nga adlaw. Sa una nga hearing nag plead not guilty si Vega kag naga rason indi hungod ang pag tandog sang private part sang Intsik sa kagutok sang mga pasahero apang pursigido ang Intsik nga gin padayun ang kaso .
Dismayado kag wala na sang nahimu si Vega matapos mabasa ang verdict kundi nga ibilin na gid lang sa asawa nga Chinese ang liyabe kg cellphone antis nagsunod sa mga police para umpisahan na ang pag serbisyo sa iya sentensya.
