Sa interview sa DXDC RMN Davao kang Grey Mina nga taga Quezon City ug anaa karon sa Tel Aviv, Israel, iyang gibutyag nga nakig-alayon na kanila ang staff sa Philippine Overseas Employment Administration (POEA) tungod sa sitwasyon, diin nagdeklara na usab og state of war alert ang Israeli government.
“I’m here in Tel Aviv so far okay naman na pero naka-stay alert pa din kasi sa Northern naman ang may war ngayon. Lebanon naman ang nagpapalipad ng rocket so affected ang Northern Israel,” sulti ni Mina.
Nabalaka usab si Mina sa sitwasyon sa uban pang Oversease Filipino Workers (OFWs) ilabi na kadtong duol sa Gaza Strip asa naggikan ang Hamas, ang Palestinian Islamist militant group nga miatake.
Matud kang Mina, adunay mga Pinoy nga posibleng nabiktima sa pag-atake sa terorisa apan wala pay official statement ang otoridad kalabot niini.
Dugang niya nga andam sila kung imando ang pag-evacuate sama sa ubang Pinoy nga daling nanago sa mga bomb shelter aron dili maapektuhan sa maong kagubot sa lugar.
RadyoMaN Kirby Manzon
